Ahmed Shrief
2015-02-04 23:32:10

مرة واحد بخيل بيشرب شاى وقعت فيه دبانة طلعها و قعد يضربها ويقولها تفى الى شربتيه.

ٍSoha Khaled
2015-02-14 01:33:52

في رئيس عمل مسابقة الى يقعد اكتر فى الحمام كله صراصير واحد فرنساوى والتانى امريكانى والتالت صعيدى دخلو التلاتة بعد اسبوع فتحو الببان لقو الامريكانى مات والفرنساوى مات والصعيدى لسه عايش بعد اسبوع كمان فتحو الباب لقوه لسه عايش ومفيش صراصير فى الحمام سالوه فين الصراصير؟ قالهم اصدكو الشيكولاته ام شنابات دى اكلتها

Ahmed Shrief
2015-02-04 23:29:27

عريس عصبي يوم فرحه كتب في بطاقةالدعوة: الزفت اللي هايجي ميتأخرش…واللي مش جاي في ستين داهية والعيال الرذلين الصغيرين يتخمدوا فى البيت…و اللي هاتجيب موبايل كاميرا هفقع لها عينيها الاتنين…وابقوا اطفحوا فيبيوتكم كفايه اللي دفعته للموكوسه العروسه…اللي هتمد ايدها عالتورته هقطعهالها ..وابقى حلي في البيت ياختي انتى وهى منتو زي القطط تاكلوا وتنكروا الرقص ممنوع الضحك بصوت ومن غير صوت ممنوع…وابقى عيل لو اتجوزت تانى.

هدي فوزي
2015-02-15 11:44:50

مسطول سألوه يعنى ايه حساس بالانجليزى قال لهم سنسيتيف قالوا له طيب ايه معنى حشاش قال لهم شنشيتيف

Khaled Mohessen
2015-01-28 00:42:21

واحد راكب عربية هو و مراته وسايق على 180، عربية البوليس وقفته ونزل الظابط يكلمه. الرجل: ايه المشكلة؟ الظابط: انت كنت سايق على 180 والسرعة المسموحة هنا 60 بس. ،الرجل:لا معلش انا كنت معدي الـ 60 بشوية ، مراته: لاانت كنت ماشي على الاقل على 200. ، الرجل بص لمراته بحقد ، الظابط: كمان الفانوس اللى ورا مكسور. الرجل: مكسور! والله ما شفته ، مراته: حرام عليك .. انت كنت عارف انه مكسور من كام اسبوع. ، الرجل بص لمراته بحقد ، الظابط: كمان مكنتش رابط حزام الأمان ، الرجل: لأ كنت رابطه بس فكيته لما وقفت ، مراته: لالال اانت عمرك ما ربطت حزام الامان ، الرجل التفت لمراته وزعق فيها: انتي ماتعرفيش تسكتي ابدا؟