Ali Foda
2014-12-14 17:47:26

و انا في طريقي الى النجاح لقيت صحابي لفينا ورجعنا

Mahmoud Elsaid
2010-10-24 14:06:50

حدث بالفعل:أتوبيس المندرة ماشى فى شارع جمال عبد الناصر راكب فيه واحد بلديتنا..جه عند مؤسسة عبد الرازق واحد من الركاب نادى السواق "عبد الرازق يا اسطى" قام منزله..جه عند مستشفى جيهان واحدة نادت السواق"جيهان يا اسطى" ..قام منزلها...طلع الكوبرى اللى فوق شارع 45 و نزل قام بلدينا منادى على السواق " عبد الباسط يا اسطى..عبد الباسط يا اسطى" السواق مافهمش و قاله عايز ايه يا بلدينا قام قاله "مش اللى عايز ينزل بيجولك اسمه"

Walied Farid
2015-02-15 11:52:59

في واحد راح يستقبل ابن عمه في المطار المهم وهم راجعين من المطار بيسأله: انت بقا لك عشر سنين في أمريكا… كنت بتدرس ايه؟ رد عليه ابن عمه : كنت بدرس علم المنطق قاله : ايه هو علم المنطق؟ رد عليه:صعب اللي درسته فى عشر سنوات اشرحهولك فى ساعه بس انا هاديك مثال على المنطق. قاله : اوكي سأله ابو المنطق : انتوا عندكم كلب في البيت صح؟ رد عليه: ايوة عندنا قاله: ادام عندكم كلب اكيد انكم عاملين له بيت فى الحوش رد عليه: صح عاملين قاله : مادام انه عندكم حوش اكيد انكم عايشين في فيلا رد عليه: صح إحنا عايشين في فيلا مدام انكمعايشين في فيلا اكيد ان ابوك غني رد عليه:صح ابويا غني قاله: مدام انه ابوك غني اكيد ان امك تقعد في البيت يعنى مش محتاجه تشتغل رقاصة عشان تجيب فلوس رد عليه: صحيح امي قاعدة في البيت قاله : هذا هو المنطق , انك تبني شيء علي شيء من وجود الكلب في بيتكم استنتجنا ان امك مش رقاصة ردعليه :ياااااااااااا هو ده المنطق؟ المهم …. صاحبنا راح عند صحابه باليل وحب يتفلسف عليهم وسالهم ياشباب تعرفون ايه هو المنطق ؟ رد واحد لا والله ما نعرفش قال : انا اقلكم ، سأل صاحبه: انتوا عندكم كلب في البيت ؟ رد عليه صاحبه : لا ما عندناش ، قاله : تبقى امك رقاصة

Walied Farid
2015-02-14 01:55:35

مرة ناظر تزوج وزع على المعازيم أرقام جلوس.

هدي فوزي
2015-02-15 11:46:49

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.