قام مجموعة من هاكرز المواقع باختراق الصفحة الرسمية لمرشح الرئاسة المحتمل، حازم صلاح أبو اسماعيل، على "فيسبوك"، وكتبوا على الصفحة:" كنتم معنا فى الكاميرا الخفية لحازم صلاح أبو اسماعيل.
. نعم لحازم صلاح أبو اسماعيل مرشح رئاسة المجلس المحلى بقرية دشنا العدو".
كما كتب الهاكرز قائلين: "كيلو الطماطم بـ 3 جنيه وجرام الريحه بخمسه جنيه، واتنين سواك ومعاهم واحد هدية بعشرة جنيه، واللى مايشترى يتفرج.
.هو ده أخركم ياوهابية..نريدها إسلامية لا وهابية.. لا لحازم صلاح أبو اسماعيل لرئاسة الجمهورية.
. لا للفكر الوهابى ونعم للوسطية.
نعم للدولة المدنية نعم لمصر حرة شريفة نظيفه من الوهابية.
وشكك بعض المشاركين فى التعليقات على ماكتبه الهاكرز على صفحة "أبواسماعيل" وقالوا إنها محاولة من المسئولين الحقيقيين عن الصفحة لخداع الجماهير وقال أحدهم:" حلوه أوي الدعاية دي يا حملة الشيخ حازم.
.على فكرة مفقوسه أوي انكم انتوا اللي عاملين إن الصفحة اتسرقت وعايزين تشوهوا صورة المرشح الإسلامي أبو الفتوح علشان ميبقاش في حد بينافس عم الشيخ.
.أو عايزين توصلوا للناس الساذجه إن دي مؤامرة من العلمانين على الإسلام ومرشحين الدين علشان يتعاطفوا أكتر مع عم الشيخ حازم.
.الحركات دي متدخلش على عقل عيل صغير".
ورغم تأكيدات مسئولى الصفحة كل فترة أن الصفحة تم استرجاعها من الذين اخترقوها، إلا أن الهاكرز كتبوا :"أسفين ياجماعه على اللى حصل، وتم حذف مشاركات الهاكر كلها وتم استعادة الصفحة ونشكركم على ردود أفعالكم الرائعة ونعم لحازم صلاح أبو اسماعيل رئيسا للوحدة المحلية بالدقى وامبابة .
. ولو بطلنا نحلم نمووت".